PLANTAMOS CABAZAS

 Gardamos as sementes das cabazas do Samaín e das cabazas que usamos para cociñar ricos pratos neste outono. Sementámolas en bricks de leite e en bolsas. Sabemos que se deben plantar na primavera, de feito gardaremos sementes para esa época, pero quixemos experimentar  e probar a plantalas no outono e ver que é o que ocorre... igual nos levamos unha sorpresa.

            

              

UN PLÁTANO POLA PALMA

 O pasado venres celebramos o Día mundial da alimentación(16 de outubro) co fin de fomentar unha alimentación saudable e apoiar nestes duros momentos á Palma, comendo un plátano de Canarias e lembrando a tódalas familias que viven da plantación desta riquísima froita e a tódolos nenos/as  que a día de hoxe non poden asistir ao cole por mor da erupción do volcán. Tódolos nenos e nenas trouxeron para merendar un plátano de Canarias, grazas familias por apoialos nesta boa causa. 

.

 Martina tamén quixo estar con nós este día na distancia, precisamente nesa viaxe que fixo en familia atopábase máis preto da Palma que nós desde Viveiro. Grazas familia pola vosa colaboración.

IMOS Á HORTA

 Para dar continuidade ao traballo realizado o pasado curso, continuamos aprendendo coa horta urbana que está moi preto do noso cole. Nesta ocasión fomos recoller a colleita do plantado no mes de abril e observamos aos bichos que fomos atopando pola mesma... Agora imos investigar sobre este tema...

 Queremos agradecer desde o cole a boa acollida de Joaquín, grazas por facer que todo resultase sinxelo e por estar sempre dispoñible... José Antonio, Jorge, Pepita, Miguel e María José, grazas... Os nenos/as de 6º están encantados de ter ido á horta ecolóxica e de aprender tanto con vós...