Menuda sorpresa nos levamos coas nosas sementes de cabaza! Aínda que investigamos e descubrimos que a mellor época para plantar as cabazas é a primavera porque polo menos necesitan 8h de luz ao día, arriscámonos e quixemos experimentar... Neste mes de novembro plantamos as sementes, recollidas das cabazas do Samaín, en pequenas macetas feitas con bricks de leite e tamén en bolsas... Deixámolas preto da ventá para que lles dera o sol e cando o pasado venres as regamos e as trasladamos ao noso novo invernadorio, situado no patio, para que aproveitaran máis a luz do sol durante máis tempo, xa que os días en outono son cada vez máis curtos, descubrimos que comezaban a brotar... Hoxe mesmo descubrimos ademáis que as sementes que metimos en bolsas pegadass ás ventás están brotando todas, puidemos ver moi ben as raíces e o talo... Seguiremos de preto o proceso de crecemento das nosas plantas...
