Participamos deste proxecto de Naturaliza, ao longo da pasada semana, ARMONÍA EN LA NATURALEZA... Escoitamos, bailamos, cantamos a canción, xogamos cos elementos da natureza, debuxamos e creamos cos tesouros que nos ofrece(follas, pedras, paus, cunchas...)...
Estes días estivemos traballando pola Paz decorando os nosos símbolos, colaboración entre familia-escola, e colocando as nosas bandeiras brancas...
Dentro do Proxecto Mariña Ambiental, da UCD xunto coa Fundación Alcoa, realizamos un obradoiro onde aprendimos a xestionar os residuos mediante a compostaxe. 
Visitamos o noso composteiro e botamos os restos da nosa froita do mércores.
Continuamos coa aventura de descubrir o noso corpo, imos un pouco máis alá do que aprendimos o ano pasado. Lembramos as partes visibles do noso corpo pero tamén o que temos dentro do mesmo... Xogamos aprendendo...
E así imos completando a nosa axenda, lembramos nesta ocasión as datas importantes do último mes do ano 2023.
Ademáis, ao longo desta semana, estamos xogando cos xoguetes dos nenos/as e compartíndoos a nivel de aula... Está resultando moi interesante. Establecimos unhas normas básicas para utilizalos:
- Compartir o noso xoguete cos demáis.
- Coidalos con agarimo.
- Respectar o tempo de xogo de cada neno/a.
