GRANDES CREADORES, PEQUENAS MANS

 O pasado mércores 3 de xuño inauguramos a exposición do noso proxecto  ART-LAB, podedes achegarvos á sala de exposicións da Biblioteca Municipal a vela ata o 10 de xuño. Mirade, mirade... está claro que estes peques son uns grandes artistas.

COLLAGE CON CARLOS GALLEGO

 Esta semana tivemos un obradoiro de collage con Carlos Gallego, con este debuxante galego iniciámonos nesta técnica artística que consiste en unir ou superpoñer materiais sobre unha superficie formando unha composición.

SON UN ARTISTA: TRAZOS E CORES PRIMARIAS

 E así nos adentramos no mundo da arte e no programa educativo INNOVA-LAB. Na modalidade de ART-LAB achegámonos aos trazos máis básicos(círculo, liñas verticais e horizontais) e as cores primarias para logo descubrir as cores secundarias. Da man de Hervé Tullet, adentrámonos no mundo das creacións artísticas partindo do máis básico...

MURAL CON DAVID CATÁ

    O pasado curso comezamos co artista viveirense David Catá, antigo alumno do noso cole, o noso mural ecolóxico reciclando tapóns dentro do noso proxecto Sosti-lab. Este ano estivemos rematándoo coa axuda dos voluntarios de ALCOA, coa colaboración da ANPA e como non, dos nenos/as do cole que tamén son uns artistas.

1º Aos máis peques tocounos descubrir o mural do cole, o que os compañeiros/as fixeron o pasado curso.

2º Aprender a facer as flores no espazo creativo cos tapóns que trouxemos da casa.

3º Para finalmente acompañar a David no proceso de elaboración do mural e onde deixamos pegada coas nosas flores.

Mirade que preciosidade!

Tamén aproveitamos e aproveitaremos os tapóns para crear, xogar, construir... a verdade que é un material de refugallo imprescindible nesta etapa.