Para celebrar o Día do libro, tódolos nenos/as do cole imaxinamos e ilustramos o poema, agasallo que Eva Mejuto fixo ás Bibliotecas Escolares.
Tamén nos agasallaron cun contacontos unha traballadora e dúas usuarias do Centro de Día de Alzheimer da AFA(Asociación de Familiares de Persoas con Alzheimer e outras Demencias).
Esta semana tivemos doble sesión do Escoitamos como les.
A mamá de Nina, Saray, contounos o conto A que sabe a lúa?, que nos fala da importancia da unión e axuda aos demáis.
E Bruno, o papá de José, un conto moi interesante que nos fala de compartir e da amizade, El pez Arcoíris.
Grazas aos dous por ter compartido un anaco do voso tempo con nós e por traernos unha sorpresa.
O pasado luns, tivemos a nosa primeira experiencia práctica do COMPOSTAXE. Para que serve, como se fai e os bichos que axudan no proceso de elaboración. Grazas a Vero, membro da Universidade da Coruña, achegámonos a unha nova experiencia.
Esta semana tivemos un obradoiro de collage con Carlos Gallego, con este debuxante galego iniciámonos nesta técnica artística que consiste en unir ou superpoñer materiais sobre unha superficie formando unha composición.
O martes pasado acompañounos a mamá de Noa, leunos o conto O coelliño branco, un dos nosos favoritos. Grazas Alicia por compartir o teu tempo con nós e polo agasallo que ti e Noa nos preparástedes, menuda sorpresa!.
O pasado mércores en plena natureza, nas Nogueiras, co son de fondo dos paxaros e da auga do regato gozamos da nosa 6ª sesión de ioga deste curso.
Para conmemorar o Día Mundial de Concienciación sobre o Autismo, achegámonos ao transtorno do aspectro autista(TEA) a través de dúas curtas moi interesantes e coñecendo o símbolo infinito coas cores do arco da vella, que representa a diversidade que existe no autismo. Visibilización e inclusión dentro do noso proxecto PIE.
Coa teacher Mariana preparamos os nosos ovos de Pascua e antes de marchar de vacacións de Semana Santa tivemos que buscalos pola aula. Levamos de agasallo para casa o ovo que atopamos, non o noso, o feito por outro compañeiro/a do cole...
Nun dos últimos días do trimestre tivemos a nosa segunda experiencia para eliminar os clichés sociais. Estamos realizando en cada trimestre actividades asociadas tradicionalmente ao xénero oposto co fin de aprender por separado e compensar as debilidades de cada xénero.
ACTIVIDADE E MOVEMENTO CON CABALOS PARA AS NENAS
SESIÓN DE RELAXACIÓN PARA OS NENOS
Unai e a súa mamá, Raquel, escolleron un libro para entrar en contacto co Sistema Solar, os planetas, o sol, as estrelas..., MI PRIMER SISTEMA SOLAR. Grazas Raquel por acompañarnos, polo agasallo e por adicarnos un anaco do teu tempo.
Nesta ocasión acompañáronnos a mamá e o papá de María, Noemí e Carlos. Escolleron para nós un conto cheo de fantasía que se titula A sopa queima. Grazas por compartir este tempo con nós e por facer voar a nosa imaxinación ao escoitar esta pequena historia.
E rematamos esta estación fría e de pouca luz, lembrando canto aprendimos e xogamos ao longo da mesma...
Para conmemorar este día, non só falamos das mulleres que temos na nosa familia(mamá, avoa, tía...) e o importantes que son para nós, senón que tivemos unha actuación musical moi interesante e un obradoiro para crecer en igualdade.
MÚSICA MIÚDA
AUTONOMÍA E COLABORACIÓN NAS TAREFAS DOMÉSTICAS
Comezamos cunha nova proposta da Biblioteca, a actividade ESCOITAMOS COMO LES. Emma e o seu papá escolleron unha historia fermosa, A mellor sopa do mundo. Grazas Luciano por ter compartido este tempo con nós, sempre agradecemos moito que veñades a lernos e a contarnos, gozamos tanto dos contos que calquera momento é perfecto. Grazas, ademáis, pola sorpresa que nos preparástedes...
Grazas Librín, por deixarnos entrar no mundo da imaxinación, no mundo das palabras, das ilustracións. Grazas por amosarnos tantos contos desde que chegamos ao cole...
O pasado venres xogamos coas familias na compaña de Brazolinda e os seus xogos na nosa Biblioteca. Unha sesión interesante onde aprendimos non só a xogar, senón tamén a compartir momentos, experiencias, xoguetes... Grazas, unha vez máis, aos nosos familiares por acompañarnos.
