Estamos rodeados de letras, de palabras... A partir dos nosos nomes decubrimos o abecedario, diferenciamos entre vogais e consoantes, grafías e son de cada unha delas... A partir de aí, xurden moitas palabras, coñecemos as sílabas que forman as palabras, aprendemos a escribir e a ler ...
Xa fai uns meses que comezamos a levar a prensa á casa, cada día un neno/a. En colaboración coa familia trouxeron un titular e unha fotografía dese xornal. A partir de aí xurdiu a idea de ser xornalistas crear as nosas propias novas no Heraldo do San Roque. Partimos de analizar primeiro as novas relativas ao noso centro e nas que nós fomos protagonistas...
Continuamos aprendendo xogando, cada día visitamos os nosos recunchos de xogo, imos rotando por equipos e ás veces o xogo é libre e outras dirixido...
Neste último trimestre montamos a Clínica Veterinaria no recuncho do xogo simbólico e no da plástica un obradoiro de esculturas:
CLÍNICA VETERINARIA
MULLER E PAXARO(Joan Miró)
Seguimos percorrendo o mundo das letras, unha vez traballadas as vogais, comezamos a descubrir un pouco máis ás consoantes, sen elas as palabras non poden falar.
Na asemblea diaria, tamén, enriquecemos o noso vocabulario na actividade A PALABRA DO DÍA. O encargado ten que pensar unha palabra, escribila con ou sen axuda e facer o debuxo que represente á mesma.
Continuamos traballando coas palabras, coas letras que as compoñen... Aprendemos xogando coa tablet e construíndo os nosos nomes coas pezas das construcións nos recunchos. Traballamos a motricidade fina, a orientación espacial e tamén a creatividade.
Á volta do Nadal quixemos lembrar unha das cancións que máis soou nesas datas, Cando é Nadal(Iván Vale), tódolos nenos/as do San Roque a coñecemos. Desde os diferentes recunchos do colexio se escoitaba. Cantándoa nos sentimos, a pesar de todo, máis unidos que nunca. As palabras que nos enchen son moi importantes no noso crecemento e as que nos van enriquecendo ao longo da nosa vida. Non só buscamos palabras tamén acompañamos a letra da canción co debuxo da personaxe de Nadal que máis nos gusta... Apalpador, Papá Noel e Reis Magos...
Manipulamos, ideamos, razonamos, ordenamos, creamos... nas diferentes zonas de xogo.
Adentrámonos no mundo da palabra a través das conversas na asemblea, das tarxetas que utilizamos nas rutinas diarias, dos nosos nomes e apelidos, das melodías que cantamos, das adiviñas, das poesías... e por suposto a través da fantasía dos contos.
Do 23 ao 27 de novembro celebramos O Magosto(EDLG), este ano, de xeito diferente pero tamén especial. Xogamos nos recunchos con diferentes xogos e actividades con castañas e tamén en Psicomotricidade. Cantamos a canción do Magosto(13 lúas), ilustramos o refrán A castaña no agosto quere arder, e no setembro berber e lemos o conto La castañera.
A mellor maneira de aprender as letras(nome, grafía e son) é xogando cos nomes. Partimos do noso nome, do dos compañeiro/as e a partir de aí de tódalas palabras que van xurdindo no día a día, nas cancións, poesías, adiviñas, contos, proxectos... Palabras que nos enchen o mundo e que fan crecer a nosa imaxinación...
Identificamos o noso nome, ordenamos as súas letras, buscamos as letras do abecedario nos mesmos, escribimos as grafías, modelamos con plastilina as letras que o compoñen...
Coloreamos, debuxamos e escribimos o nome da nosa nova mascota de aula.
