ESCOITAMOS COMO LES, ESCOITAMOS COMO CONTAS...

 Nestes días gozamos dos contos lidos e contados, do teatro en streaming...

A MELLOR SOPA DO MUNDO

AS FABAS MÁXICAS

(Abanca+Caramuxo teatro)

As nosas fabas tamén serán máxicas?

LOBO FEROZ

Grazas a María(mamá de Hugo) e súa irmá Silvia(mamá de Ángel López) por dedicarnos parte do voso tempo contándonos este conto tan bonito e divertido. Gustóunos moitísimo!

PESAMOS OS ALIMENTOS... ETIQUETAS E MARCAS DOS PRODUTOS ...

 Continuamos co noso Plan Proxecta Alimentámonos ou nutrímonos...

 

                                                                                   

 Mirade que recibimos a semana pasada de parte do GADIS, por paticipar no seu programa ALIMENTES... Menuda sorpresa cando viron o paquete!

O BICO DE KLIMT

 O amor reflexado nunha das pinturas máis coñecidas de Klimt, O bico. Coñecemos algunhas das súas obras e as súas características...

23 DE ABRIL: DÍA DO LIBRO

 O 23 de abril celebramos o Día do libro escoitando en streaming unha fermosa historia A manchas ou a raias?   da man da súa autora, a escritora e ilustradora catalana Estefanía Padullés, afincada en Paradela.  Unha vez máis un conto precioso. Tivemos a oportunidade de coñecela  a ela e a un dos seus contos Leopoldo, o pequeno monstro grazas aos nenos/as do cole de Covas. Encantados unha vez máis por tela coñecido, por poder falar con ela e por poder escoitar e ilustrar a súa obra.

 Lembrade que neste mes dos libros temos varias propostas no blog da BIBLIOTECA:

CITA A CEGAS NO MES DOS LIBROS

AS NOSAS XEOGRAFÍAS LECTORAS SACAN AS EMOCIÓNS AO CAMIÑO

 Esta semana tamén tivemos a oportubidade de descubrir este bonito conto Carapuchiña realizado pola gran familia/compañía ABERLÓ. Grazas unha vez máis por facelo posible quedamos encantados/as.

SEMENTAMOS E TRANSPLANTAMOS

 Para continuar conmemorando o Día da Terra,  sementamos hortalizas e verduras na nosa mesa de cultivo e transplantamos outra vez máis os nosos castiñeiros que seguen crecendo e crecendo. Cada equipo decidiu entre unha variada gama de sementes o que quería plantar, escolleron cenorias, tomates, pementos, leitugas e cabaciños. Na horta urbana xa plantáramos porros, cebolas, leitugas e cabazas en planta e agora experimentamos coas sementes.

AS 3 R: REDUCIR, RECICLAR E REUTILIZAR

  Ao longo destas dúas últimas semanas nos adentramos no mundo das 3R e conmemoramos así, o Día da Terra(22 de abril).

 Falamos de como podemos REDUCIR o consumo de auga, luz, papel, envases de plástico(usamos cantimploras nas merendas)...

 Coa axuda do blog de VOZ NATURA, cos vídeos e actividades  realizadas reforzamos contidos, así como coas actividades da proposta didáctica ENERXÍA PARA MEDRAR do EROSKI.

Elaboramos diferentes caixas do lixo no recuncho da plástica para RECICLAR e clasificar os residuos que xeramos...

E non podemos esquecer a palabra REUTILIZAR, hai moitísimas cousas que en lugar de tiralas ao lixo as podemos usar de novo pero con outro finalidade. No cole reutilizamos, agora anímate a facelo na casa...

 Para seguir aprendendo máis sobre este tema nos conectamos por streaming onte, cunha proposta do Concello sobre as 3R.

Agora cantamos: REDUCIR, REUTILIZAR, RECICLAR...

AS CONSOANTES, AS AMIGAS DAS VOGAIS

 Seguimos percorrendo o mundo das letras, unha vez traballadas as vogais, comezamos a descubrir un pouco máis ás consoantes, sen elas as palabras non poden falar.

 

 Na asemblea diaria, tamén, enriquecemos o noso vocabulario na actividade A PALABRA DO DÍA. O encargado ten que pensar unha palabra, escribila con ou sen axuda e facer o debuxo que represente á mesma.