Hoxe conmemoramos o Día de Rosalía(EDLG), data do seu nacemento. Como nos gusta coñecela cada curso un pouquiño máis; cantar o poema musicado por Migallas Eu ben vin estar o moucho; idear o noso moucho xigante na mesa de luz; cantar a canción de Iván Vale Sempre Rosalía...
Lembrando a lingua materna de Rosalía, a lingua propia de Galicia, e tamén a nosa lingua conmemoramos o Día da lingua materna(21 de febreiro).
Tomando como centro de interese as nosas mascotas ampliamos os nosos coñecementos sobre os animais, tipos, características... O núcleo motivador foi a nosa mascota Plumitas e a partir de aí, os paxaros que comezamos a ver desde a fiestra da nosa aula e no patio do cole. Comezamos a falar dos paxaros, nos preguntamos se os paxaros son aves, se ai outro tipo de aves... E así comezou a nosa investigación... Xurdeu a idea de elaborar un libro xigante con todo o que vamos aprendendo, partiremos sempre das nosas mascotas e vendo así a que grupo de animais pertencen, as súas características... Lembrade que todo o relacionado coas mascotas o podedes ver na nosa protectora virtual PATAS PELUDAS.
Este ano tocóunos facer unha lembranza desta festa local, que tantos anos levamos celebrando no cole, coa que remata o Entroido... Visualizamos o vídeo recordatorio colgado na web no EDLG, debuxamos as sardiñas e cantamos a canción, co desexo de que o vindeiro curso podamos pasear á sardiña como en tantas outras ocasións.
Como gozamos esta semana cos mandatos da Meca(EDLG), creando máscaras no recuncho da plástica, debuxando, cantando e bailando...
Agora podedes xogar lembrando a canción do Entroido: ENTROIDO
O 11 de febreiro conmemoramos o DÍA DA MULLER E A NENA NA CIENCIA(Biblioteca) polo que ao longo da semana coñecimos a Rocío Martínez Núñez, inventora dun robot capaz de analizar 2.400 PCR nun día; falamos dos robots que tiñamos na casa; xogamos co escornabot no recuncho da lóxica-matemática; visitounos un robot aspiradora; construímos cada un/unha un robot; deseñamos un robot entre tod@s ao que lle chamanos CORAZÓN; limos o conto de Norton e Alfa; contacontos de Ada magnífica científica...
Continuamos traballando coas palabras, coas letras que as compoñen... Aprendemos xogando coa tablet e construíndo os nosos nomes coas pezas das construcións nos recunchos. Traballamos a motricidade fina, a orientación espacial e tamén a creatividade.
Menuda sorpresa nos levamos, por fin están brotando as nosas castañas. Plantámolas a mediados do mes de decembro, a partir daquela actividade A fraga do meu avó, coa idea de repoboar as fragas con especies autóctonas. Sabiamos que lles levaría tempo pero por fin chegou o momento.
Tivemos a sorte esta semana de ver a un becerro que acababa de nacer. A familia Soto Martínez tivo a ocasión de podelo presenciar dando un paseo en familia. Nos enviaron o vídeo e puidemos velo na aula esta semana. Aos nenos/as resultoulles moi interesante. Grazas familia.
Estamos cos preparativos do Entroido, nestes días apareceu a Meca vestida dun xeito un pouco estrano... Aprenderemos unha canción e pasarémolo moi ben, xa veredes...
Se vos apetece escoitala aquí vos deixo o enlace EDLG.
Por fin chegou o momento de poder ver a nosa curta Buscando o Norte, eloborada o pasado curso dentro do programa Nós tamén creamos. Tódolos nenos/as participaron dalgún xeito nesta creación, poñendo a súa voz, preparando os escenarios...
Para vela podedes entrar no seguinte enlace BUSCANDO O NORTE.
Déixovos un xogo de memoria e secuenciación:
