O NOSO SAMAÍN

Estas son as personaxes antagonistas dos contos, as personaxes que vós escollístes para a nosa exposición do Samaín.

Cantamos e bailamos co medo, pincha no seguinte enlace...

SAMAÍN 2025

Librín prestounos contos de medo...

Nós tamén fixemos pantasmas, bruxas e cabazas para decorar o cole. Mira, mira...

CÓNTAME UN CONTO

 Grazas Librín,  por deixarnos entrar no mundo da imaxinación, no mundo das palabras, das ilustracións. Grazas por amosarnos tantos contos desde que chegamos ao cole. O día que imos á biblioteca é moi especial para nós, de verdade.

    E cantas historias nos quedan aínda por descubrir...

DÍA DAS BIBLIOTECAS(24 outubro)

 O pasado venres, celebramos no cole o aniversario de Librín, na mesma data na que se celebra o Día das bibliotecas. Para esta ocasión decoramos unhas máscaras moi vistosas, cheas de cor e detalles, e asistimos a unha representación de monicreques na biblioteca, Unha noite de terror no bosque tenebroso.

AS RUTINAS DO COLE

E pouco a pouco, imos coñecendo a dinámica do cole, pasiño a pasiño imos adquirindo as rutinas da nosa xornada escolar. Na nosa actividade diaria, dannos seguridade e favorecen a nosa autonomía... 

O CONTO DA PITIÑA CARLOTA

 Con esta historia tan sinxela imos aprendendo os días da semana, fixemos un traballo moi bonito que axiña levaremos para casa... Mira, mira...

DÍA DAS ESCRITORAS

 O pasado martes, 14 de outubro, Día das escritoras, tivemos unha visita moi especial, María Rolle, quen foi mestra no cole de Covas e tamén escritora, publicou fai uns anos o libro ESTA  NON É UNHA HISTORIA DE PIRATAS... María veu acompañada de Ángela Requejo que nos acompañou coa  súa voz e coa guitarra... Mirade, mirade que ben o pasamos o Día das Escritoras...

ESTA NON É, ESTA NON É, NON É, UNHA HISTORIA DE PIRATAS...

A NOSA PRIMEIRA CLASE DE IOGA

 O pasado mércores tivemos a oportunidade de coñecer a Hugo Eiroá e compartir unha experiencia nova a través do ioga. Momentos de relax, de tranquilidade, de medo ao descoñecido... afloraron un motón de emocións, a verdade. Repetiremos...

MURAL CON DAVID CATÁ

    O pasado curso comezamos co artista viveirense David Catá, antigo alumno do noso cole, o noso mural ecolóxico reciclando tapóns dentro do noso proxecto Sosti-lab. Este ano estivemos rematándoo coa axuda dos voluntarios de ALCOA, coa colaboración da ANPA e como non, dos nenos/as do cole que tamén son uns artistas.

1º Aos máis peques tocounos descubrir o mural do cole, o que os compañeiros/as fixeron o pasado curso.

2º Aprender a facer as flores no espazo creativo cos tapóns que trouxemos da casa.

3º Para finalmente acompañar a David no proceso de elaboración do mural e onde deixamos pegada coas nosas flores.

Mirade que preciosidade!

Tamén aproveitamos e aproveitaremos os tapóns para crear, xogar, construir... a verdade que é un material de refugallo imprescindible nesta etapa. 

PEIXE FRESCO DO DÍA

 

Comezamos o mes cun contacontos, Ton de Mircromina Teatro de Títeres, con Peixe fresco do día quíxonos amosar a importancia de coidar os nosos mares. Obra financiada polo GALP A Mariña-Ortegal e da que os nenos/as gozaron moito.